දිවියෙන් නික්මෙන අවසන් මොහොතට
තණ්හා ආසා යේවා                    අහකට
චුති සිත ඇලලී පින්පෙත්           කුසලට
මග ලං වේවා සුපතන               නිවනට


මරණය ලං වන විට ඇතැමුන්     හට
බියකරු දැකුමන් පෙනිලා    සියැසට
මරණ බියෙන් ඇලලී හඞනා      විට
පමා වැඩියි උන්හට අත    දෙන්නට


ඇසූ දුටු තැන් ඇති        මිනිසුන්නේ
මේ බව කාටත් වටහා       දෙන්නේ
කුසලට දහමට පමා     නොවන්නේ
අකුසල් සිත් මුලූමනින්    හරින්නේ


තම තම දොස් එලෙසින්ම තබා     ගෙන
දෙලොවට වැඩ සිදුවෙතැයි හිතා    ගෙන
අඳ බැතියෙන් බෝ පවුරු වටා        යන
නොමගට වන්් අය සුමගට ගනු    මැන


මෝහ අඳුර වැඩි හින්දා      කෙනෙකුට
බුදු මග- හරි මග- මේ යයි     තිර කොට
බැරි වුවහොත් ඇස් ඇර   පෙන්වන්නට
විපතකි පතනෙමු එසේ     නොවන්නට


පව් කම් ටික ටික නැත්තට නැතිකොට
පින්කම් තව තව යහමින්    තර කොට
එමගින් ගත-සිත හරවා            සුමගට
මග පාදා ගනු මැන අම           නිවනට