දුක හෝ සැප පිටතින් එන්නක් නොව
තමන් විසින්ම සිතේ ඇති කර ගන්නකි
වෙනත් කෙනෙකු යම් විටෙක බණින විට
යහුලක් ඇනුනා මෙනි එය සවනට
සැනෙකින් කෝපය පෙන්වන එලි පිට
එපා වැටෙන්නට තිරිසන් ගණයට
කෝපය- සෝකය පිටතින් හිතකට
කා හටවත් බෑ දෙන්නට හිතුවට
කෙනෙකු කියන දොස් දුරලා ඉවතට
නෑසුනු ලෙස ඇයිදැයි බැරි ඉන්නට
බාර නොගත් දොස ආපසු යන්නේ
ඉන් ඔබෙ හදවත නොමැත සැලෙන්නේ
බණින අයට මෙත් සිත් පතුරන්නේ
මෙලෙසයි සුමගට ආ හැකි වන්නේ
බණින විටෙක හතුරෙකු හා ගැටුනොත්
බහින් බස්ව ඔබ දුරදිග ගියහොත්
දහම් දැනුම ඔබ කොතරම් ලදුවත්
පෙන්වයි නුපුරා ඇති බව පිලිවෙත්
No comments:
Post a Comment