Saturday, March 31, 2012
වස්තු කාමය නොව ගුණ දම් අගය කළ බුදුනට රන් වැට කුමටද?
මෙය බුදුන් වහන්සේට කරන නිගරුවක් නොවන්නේද?
රන් මිණි මුතු ආදිය නොවටින්නේ
සොර බිය මර බිය එතැන රැඳෙන්නේ
නිරතුරු සදහම් ගුණය වටින්නේ
මෙලෙයසි දහමේ තතු පැවසෙන්නේ
ඒ වුව කුමක්ද වෙලා තියෙන්නේ
රන් වැට පුද බිම තුල බැබලෙන්නේ
එහි වැඩි අගයක් ඇතැයි හැෙඟන්නේ
සොර බිය එතැනට ලඟා කෙරෙන්නේ
රන් වැටකට බොදු සිත් ඇද ගන්නේ
තණ්හා ආසා ඉන් වැඩි වන්නේ
බෝ සමිඳුන් හට ඉන් උපදින්නේ
කුමන සෙතක් දැයි නැහැ වැටහෙන්නේ
මිනිස් ගුණය නොව රන් මිණි ආදී
අගේ කෙරුව දේවාගම් වාදී
අඳ බැතියන් බුදු පිලිමය බෝදී
රන් රුවනින් තිබුනා සකසා දී
නිදන් හොරුන් බුදු පිලිම කඩන්නේ
සිරස කඩා උදරය හාරන්නේ
එහි තුල ඔය කී දේ සොයමින්නේ
නැතිනම් අදටත් පිලිම රැකෙන්නේ
දිවියේ මුලදී සැප සම්පත් විඳ
බුදු මග වැටහී ආසාවන් බිඳ
කණකර අබරණ විසිතුරු දේ සොඳ
අත් හළ බුදුනට යලි එය කුමටද
Subscribe to:
Post Comments (Atom)
No comments:
Post a Comment